Ohiko galderak

Kultura Ondarea Gazte-Sariari buruzko ohiko galdera-erantzunak

"Kultura Ondarea Sarian" parte hartu nahi badugu, lehenengo zer egin behar dugu?

Irakurri arretaz Agindua, kontsultatu zuen tutoreekin dauzkazuen zalantzak eta gai bat aukeratu. Informazio guztia euskadi.eus-en aurki dezakezue.

Egon al daiteke talde berean ikasturte ezberdinetako ikaslerik?

Bai, baldin eta aginduan zehazten diren ikasturte eta etapetakoak bazarete.

Gustura emango nuke izena Kultura Ondarea Sarian; nola egin behar dut?

Saria arautzen duen Aginduan agertzen diren Eranskinak bete behar dituzue eta tutoreari eman ofizialki aurkez ditzan. Izen ematea euskadi.eus-en.

Irudiak grabatzeko edozein sistema erabil al dezakegu (mugikorra, bideo-kamera, argazki-kamera...)?

Bai, edozein baliabide digital.

Bi bideoak eman behar al dizkizuegu derrigor: bideoa bera eta Making Ofa?

Bai; bietako bat falta bada, lehiaketatik kanpora geratuko zarete.

Nola aurkeztu edo igo bideoak?

Zuen e-mail kontuarekin youtuben kanal bat sortu eta zuen bideoak hara igo behar dituzue; guri estekak bidaltzea nahikoa da.

Edozein musika- edo irudi-mota erabil al dezakegu?

Ez; egile-eskubiderik gabeko edukiak erabili beharko dituzue edo, bestela, egilearen edo ustiapen-eskubideen titularraren baimena izan beharko duzue.